الرئيسية / أخر الاخبار / رغم القرار …..شعر أحمد طليس
وخلاص صدر أمر الإحالة للمعاش وإن عاش باقيتك في الزمن هيجيب منين الإنتعاش لما اترميت بين الهوامش تستنى بكراك مجاش …. لساك مهيأ برضه تحلم ؟ إزاي وليه وإنت حلمك مش بيكمل؟ طب سببه إيه منتش مهيأ يوم في إنك تبقى دمية وأللا تعيش جوه في التابوت مش راح تموت وراح تكون جوه بحرك اخطبوط ولا مستحيل إنك هترفع شعارات السكوت ولاراح تكون أبكم أصم جوه في توابيت العدم ولا راضي تعلن انسحابك جوه منك رغمه الأكيد يوم محتمل ولا راح تقول إيه العمل مانتا كرامتك لسه بتنقع جوه فيك رغم بتجمد دموعك دي ف عنيك وإنت اللي عمرك ما شغلت بالك مين إشتراك أو مين ده باعك ولا مين دا شوش يوم عليك دايما بتنقش ملامحك ع الرخام تفضل الشيئ للخلود كنت دايما جوه نفسك حسك وعايش في الوجود مفضلش منك غير حاجات مبقاش بقى غير ذكريات وحروف على سطور الورق أي أشعار وحكايات وف لحظة ممكن تتحرق مبقاش بقى غير قهرك سكات مفهوم قوي إنك خلاص رايح تعيش حالة موات وف لحظة الموت الأخير دايما يكون من غير شروط ممكن يكون شرطك وحيد انك تموت جوه الخطوط؟ بره الخطوط؟ بين الخيوط؟ ده مش راح هيفرق أصله قدر مكتوب عليك تختار من الضي النهار والليل دا جي لك إنبهار تحض..

رغم القرار …..شعر أحمد طليس

وخلاص صدر
أمر الإحالة للمعاش
وإن عاش باقيتك في الزمن
هيجيب منين الإنتعاش
لما اترميت بين الهوامش
تستنى بكراك مجاش
….
لساك مهيأ برضه تحلم ؟
إزاي وليه
وإنت حلمك مش بيكمل؟
طب سببه إيه
منتش مهيأ يوم في إنك
تبقى دمية
وأللا تعيش جوه في التابوت
مش راح تموت
وراح تكون جوه بحرك اخطبوط
ولا مستحيل إنك هترفع
شعارات السكوت
ولاراح تكون أبكم أصم
جوه في توابيت العدم
ولا راضي تعلن انسحابك
جوه منك
رغمه الأكيد يوم محتمل
ولا راح تقول إيه العمل
مانتا كرامتك لسه بتنقع جوه فيك
رغم بتجمد دموعك دي ف عنيك
وإنت اللي عمرك ما شغلت بالك
مين إشتراك
أو مين ده باعك
ولا مين دا شوش يوم عليك
دايما بتنقش ملامحك ع الرخام
تفضل الشيئ للخلود
كنت دايما جوه نفسك
حسك وعايش في الوجود
مفضلش منك غير حاجات
مبقاش بقى غير ذكريات
وحروف على سطور الورق
أي أشعار وحكايات
وف لحظة ممكن تتحرق
مبقاش بقى
غير قهرك سكات
مفهوم قوي إنك خلاص
رايح تعيش حالة موات
وف لحظة الموت الأخير
دايما يكون من غير شروط
ممكن يكون شرطك وحيد
انك تموت جوه الخطوط؟
بره الخطوط؟
بين الخيوط؟
ده مش راح هيفرق
أصله قدر مكتوب عليك
تختار من الضي النهار
والليل دا جي لك إنبهار
تحضن في حلمك جوه عتمة
وتشوف هالات من شيئ خيال
ماهو عادي جدا إنك تعيش
جوه في حلمك
حالات إرتجال
وتروح وتغزل خيط لفجرك
رغمك وشادد في الرحال. ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *