الرئيسية / أخر الاخبار / يا سوسنة ..الشاعر ..محمد ضباشه
ما تحنى لحظة يا سوسنة فى قلب كان طارح هنا سافر يعافر فى المدى يرجى حل المسألة وتحن شمس الشروق على حلم تايه على المدار قلبه يشتاق للندى نتفة عمار فى بؤرة الليل الحزين الطوق مسلسل اليدين والخطوة مسخت فى العينين سرسب دموعها فى سكتك تسهر فى حضن الوريد الشوق يزيد والنار تقيد تعزف بغربة غنوتك على لحن يجافى البراح عفقة نواح سكة فلاح تشرق فى قلبه بسمتك ولا تطل عتمتك مرسومة عنوان النهار تحجب الأمل البعيد تشتاق لعيد ما يكون بوار يشد على الوتر حيلك على حاله يغنى لك وفى اللى تاه كيلك ولحضنه كونى ممكنة ما تجور عليه الأزمنة والأمكنة يا سوسنة فكى جيد الإنتظار ماتقسمى فينا ليل نهار صحى حيطان الدار ترجع تؤنس وحدتك شدى موج المستحيل طهريه من قال وقيل إرفعى جناحك ميزان للى أفسد واللى خان واللى باعك واللى كان سارق من قوتنا الأمان لما تاه العدل منه قلبى دمع غصب عنه وأما ليله شق ننه وأما حقه مات وهان زمى فينا كل أه داوى الجرح اللى طال للى خانوا قولى لا واللى زرعوا فى الضلال واللى فتحوا بطن يومك واللى شقوا حياء هدومك عدى بنا عن كلابك فى طريق نعشق هواه

يا سوسنة ..الشاعر ..محمد ضباشه

ما تحنى لحظة يا سوسنة
فى قلب كان طارح هنا
سافر يعافر فى المدى
يرجى حل المسألة
وتحن شمس الشروق
على حلم تايه على المدار
قلبه يشتاق للندى
نتفة عمار
فى بؤرة الليل الحزين
الطوق مسلسل اليدين
والخطوة مسخت فى العينين
سرسب دموعها فى سكتك
تسهر فى حضن الوريد
الشوق يزيد
والنار تقيد
تعزف بغربة غنوتك
على لحن يجافى البراح
عفقة نواح
سكة فلاح
تشرق فى قلبه بسمتك
ولا تطل عتمتك
مرسومة عنوان النهار
تحجب الأمل البعيد
تشتاق لعيد
ما يكون بوار
يشد على الوتر حيلك
على حاله يغنى لك
وفى اللى تاه كيلك
ولحضنه كونى ممكنة
ما تجور عليه الأزمنة
والأمكنة
يا سوسنة فكى جيد الإنتظار
ماتقسمى فينا ليل نهار
صحى حيطان الدار
ترجع تؤنس وحدتك
شدى موج المستحيل
طهريه من قال وقيل
إرفعى جناحك ميزان
للى أفسد واللى خان
واللى باعك واللى كان
سارق من قوتنا الأمان
لما تاه العدل منه
قلبى دمع غصب عنه
وأما ليله شق ننه
وأما حقه مات وهان
زمى فينا كل أه
داوى الجرح اللى طال
للى خانوا قولى لا
واللى زرعوا فى الضلال
واللى فتحوا بطن يومك
واللى شقوا حياء هدومك
عدى بنا عن كلابك
فى طريق نعشق هواه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *